Нашр шуд: 20 Январи 2014

Диданд: 1523

Бо мақсади ба ҳар як хатмкунандаи мактабҳои кишвар расонидани моҳияти низоми нави имтиҳонҳои марказонидаи дохилшавӣ ва тарзу тартиби қабули имтиҳон Муассисаи давлатии “Маркази миллии тестӣ” дар ҳамкорӣ бо Кумитаи телевизион ва радиои назди Ҳукумати Ҷумҳурии Тоҷикистон видеонаворҳои омӯзишӣ ба навор гирифтанд.

Видеонаворҳо, ки аз 16 мавзӯъ иборат аст, оид ба моҳият ва муҳтавои низоми нав маълумот дода, тариқи шабакаҳои телевизионии ҷумҳурӣ ба бинандагон пахш мегардад.

Дар баробари ин, Вазорати маориф ва илм ва Маркази миллии тестӣ бо мақсади дастрас намудани видеонаворҳои омӯзишӣ ба ҳар як довталаб зиёда аз 3000 нусха сабти диск намуданд, ки ба ҳар як муассисаи таҳсилоти миёнаи умумӣ, миёнаи касбӣ ва ибтидоии касбии кишвар тақдим карда мешавад.

Дар баробари ин, муассисаҳои таълимӣ муваззаф гардонида мешаванд, ки видеонаворҳои омӯзиширо дар компютерҳои мактабҳо сабт намуда, аз хонандагон хоҳиш намоянд, то ин ки аз онҳо истифода баранд.

Нашр шуд: 20 Декабри 2013

Диданд: 1819

Душанбе, 20 декабри соли 2013. (АМИТ «Ховар»).-Имрӯз дар шаҳри Душанбе бо иштироки Президенти кишвар Эмомалӣ Раҳмон бинои нави Муассисаи давлатии “Маркази миллии тестӣ” (ММТ) ифтитоҳ ёфт. Сарвари давлат Эмомалӣ Раҳмон бо кори ММТ бевосита шинос шуда, бо роҳбарияти Вазорати маориф ва илм ва ректорҳои муассисаҳои таҳсилоти олии кишвар мулоқот намуд ва масоили мубориза бо фасод ва дигар амалҳои номатлубро дар ин соҳа мавриди баррасӣ қарор дод.

Нашр шуд: 02 Декабри 2013

Диданд: 1845

Чуноне ки ҳама иттилоъ доранд, шурӯъ аз соли 2014 дар Ҷумҳурии Тоҷикистон низоми нави қабули донишҷӯён ба муассисаҳои таҳсилоти олии касбии Ҷумҳурии Тоҷикистон тавассути интиҳонҳои марказонидашудаи дохилшавӣ ҷорӣ карда мешавад.

Нашр шуд: 28 Ноябри 2013

Диданд: 1514

27 ноябри соли ҷорӣ дар маҷлисгоҳи бинои “Душанбе-Плаза”-и шаҳри Душанбе муаррифии “Низоми имтиҳонҳои марказонидаи дохилшавӣ ба муассисаҳои таҳсилоти олии касбии Ҷумҳурии Тоҷикистон” доир гардид. Муаррифӣ аз тарафи Маркази миллии тестӣ гузаронида шуда, дар он мудири шуъбаи илм ва маорифи Дастгоҳи иҷроияи Президенти Ҷумҳурии Тоҷикистон Нозимов А., роҳбари Барномаи ҳамкории рушди таҳсилоти Россия (READ) дар Тоҷикистон Бозорова С., роҳбари Шуъбаи Институти «Ҷамъияти Кушода» - Бунёди мадад Ҳалимова З., Сафири фавқулода ва мухтори Федератсияи Россия дар Ҷумҳурии Тоҷикистон Лякин-Фролов И., муовинони Вазири маориф ва илми Ҷумҳурии Тоҷикистон Исмонов Ф. ва Маҳмадова Т., роҳбарони мактабҳои олӣ, мақомоти маҳаллии ҳокимияти давлатӣ, кормандони сохторҳои соҳаи маориф, мушовирони байналмилалӣ ва намояндагони воситаҳои ахбори омма иштирок намуданд.