Нашр шуд: 02 Майи 2018

Диданд: 1492

Душанбе, 2-юми майи соли 2018

Бо мақсади иҷрои бандҳои марбутаи “Стратегияи миллии рушди маорифи Ҷумҳурии Тоҷикистон то соли 2020”, ки бо қарори Ҳукумати Ҷумҳурии Тоҷикистон аз 30.06.2012, № 334 тасдиқ шудааст, ҷиҳати гузариш ба муносибати босалоҳият дар таълим бо ташаббуси Вазорати маориф ва илми Ҷумҳурии Тоҷикистон, барномаи дастгирии таҳсилоти босифат, марҳилаи 1 (Иттиҳоди Аврупо) ва Маркази миллии тестии назди Президенти Ҷумҳурии Тоҷикистон дар минтақаҳои Рашт (20.04.2018) ва Бохтари вилояти Хатлон (27.04.2018) семинар-машварати омӯзишии якрӯза оид ба татбиқи муносибати босалоҳият дар таълим баргузор гардид. Дар семинар ҳайати омӯзгорони муассисаҳои таълимии таҳсилоти умумӣ, ибтидоии касбӣ, миёнаи касбӣ ва олии касбӣ, кормандони дахлдори раёсат ва шуъбаҳои маориф иштирок намуданд.

Нашр шуд: 01 Майи 2018

Диданд: 1647

Душанбе, 1-уми майи соли 2018

Марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (ИМД) дар соли 2018 ба анҷом расид.

Хотиррасон менамоем, ки тибқи тартиби муқаррарнамудаи Ҳукумати Ҷумҳурии Тоҷикистон маблағи барои хизматрасонӣ дар ИМД пардохтшуда дар ҳолатҳои зерин баргардонида мешавад:

Нашр шуд: 01 Майи 2018

Диданд: 1481

Душанбе, 1-уми майи соли 2018

30-юми апрели соли 2018 марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (ИМД) дар соли 2018 анҷом ёфт. Инчунин, дар ин рӯз марҳалаи асосии азнавбақайдгирии довталабони худро қаблан номнавискарда ба охир расид. Хотиррасон мекунем, ки соли ҷорӣ ба воситаи низоми ИМД қабули донишҷӯён ба 34 муассисаи таълимии таҳсилоти олии касбӣ ва 47 муассисаи таълимии таҳсилоти миёнаи касбӣ (бо фарогирии 36 гурӯҳи мақсаднок ва 1 шуъба) ба роҳ монда мешавад. Мувофиқи нақшаи қабули донишҷӯён дар соли ҷорӣ 67844 ҷой ҷудо гардидааст, ки аз он 46957 ҷой барои донишгоҳу донишкадаҳо ва 20887 ҷой барои коллеҷҳо аст.

Нашр шуд: 26 Апрели 2018

Диданд: 1548

Душанбе, 26-уми апрели соли 2018

Рӯзҳои 21-ум ва 22-юми апрели соли 2018 дар Муассисаи таълимии давлатии “Мактаби байналмилалии президентӣ” дар шаҳри Душанбе Олимпиадаи даставии хонандагони муассисаҳои таълимии таҳсилоти миёнаи умумӣ аз 11 фанни таълимӣ баргузор гардид. Олимпиадаро кормандони Маркази миллии тестии назди Президенти Ҷумҳурии Тоҷикистон дар шакли тестӣ ва кори хаттӣ аз рӯйи меъёрҳои муқарраршуда гузаронида, донишу маҳорати иштирокдорони онро одилона арзёбӣ намуданд. Озмун аз фанни “Технологияҳои иттилоотӣ” дар толори компютерии Донишгоҳи технологии Тоҷикистон доир гардид, ки дар он дониш ва малакаю маҳорати барномасозии иштирокчиён санҷида шуд.